Sot me datë 30.06.2021, Prefekti i Qarkut Kukës Z. Zenel Kuçana mori pjesë në takimin e organizuar nga Bashkia Kukës me tematikë “Kontrolli i territorit dhe lufta kundër kultivimit e trafikimit të bimëve narkotike “.
Në këtë takim morën pjesë kryetari i Bashkisë Kukës, z, Safet Gjici, shefi i Komisariatit të Kukësit z. Dritan Meta, N/kryetari i Bashkisë Kukës z. Vexhi Halili, që ndjek me përparësi këtë problem, kryeinspektori i Inspektoriatit Rajonal të Mbrojtjes së Territorit, drejtori i Administratës së Zonave të Mbrojtura, Administratorët e Njësive Administrative të Bashkisë Kukës si dhe të gjithë kryetarët e fshatrave të Bashkisë Kukës.
Gjatë këtij takimi u evidentua puna e mire e bërë në këte drejtim ku u diskutuan disa çeshtje të ndryshme si:
Lufta kundër kultivimit të bimëve narkotike; Parandalimin e ndërtimeve pa leje; Parandalimin e prerjeve të paligjshme të pyjeve; Problematika të infrastrukturës në fshatrat e Njësive Administrative; Problematika e minierave në Bashkinë Kukës; Ndalimin e shfrytëzimi i paligjshëm të inerteve në shtretërit e lumenjëve dhe përrenjëve; Ndalimi i gjuetisë së paligjshme sidomos i peshkut në liqenin e Fierzës.
Kryetari i Bashkisë Kukës kërkoi angazhim maksimal të kryetarëve të fshatrave, për të ushtruar kontroll territori dhe informimin në kohë, në organet kompetente për çdo shkelje ligji si për kultivimin e bimëve narkotike, për parandalimin e ndërtimeve pa leje dhe të prerjes së paligjshme të pyjeve etj. Prefekti i Qarkut Kukës në kuadrin e bashkëpunimit dha detyra konkrete për policinë e shtetit, Drejtorinë e Administratës së Zonave të Mbrojtura, IKMT për luftën ndaj kultivimit e trafikimit të Kanabis-it, ku theksin e vendosi te zhdukja e këtyre fenomeneve të paligjshme, mënyrën e dhënies së informacionit në kohë reale e me detaje, nga kryetarët e fshatrave dhe Administratorët e Njësive Administrative në organet kompetente ligjzbatuese, si dhe ju drejtua të gjithë pjesëmarrësve që të bashkëpunojnë ndërmjet tyre, duke ju rikujtuar përgjegjësinë secilit sipas detyrave që ju ka ngarkuar ligji. Bashkepunimi nuk është çështje dëshire e asnjë drejtuesi, por detyrim moral dhe ligjor. Nga të gjithë pjesëmarrësit u shpreh angazhim maksimal për zbatimin e akteve ligjore në fuqi, për eleminimin e fenomeneve negative jo ligjore që ndikojnë drejtëperdrejtë në jetën e të gjithë qytetarëve të Bashkisë Kukës.
