Takim pune mbi masat parandaluese dhe përgjigjen ndaj zjarreve si dhe strategjitë për menaxhimin e emergjencave gjatë stinës së verës në siperfaqet pyjore dhe kullota

Të pranishëm në takim ishin, z.Arben Cara, Drejtori i Përgjithshëm për “Mbrojtjen nga Zjarri dhe Shpëtimin” në Ministrinë e Brendshme, Kryetari i Bashkisë Kukës, z.Albert Halilaj, N/Prefekti Has z.Ilir Çela, N/prefekti i Tropojës z.Altin Berbati,Sektori i Planifikimit, Përmballimit, Mbrojtjes Civile dhe Krizave, Drejtori i Policisë Vendore Kukës, z. Artan Bajraktari, shefat e Komisariateve në Bashkinë e Kukësit, Tropojës dhe Hasit, strukturat e EC-së dhe MZSH-ve në bashkitë përkatëse si dhe Administratorët e Njësive Administrative Tërthore, Malzi, Golaj dhe Gjinaj.

Në fjalën e tij Drejtori z. Arben Cara kërkoi nga të gjitha strukturat rritjen e bashkëpunimit midis strukturave të qarkut për përballimin e situatave të zjarreve në pyje gjatë sezonit veror.

E rëndësishme është forcimi i masave parandaluese dhe përballimi i situatave të pritshme të mundshme të zjarreve, rëndësia e ngritjes dhe funksionimit të stacioneve provizore zjarrëfikëse.

Në fund të këtij takimi u kërkua bashkëpunimi ndërmjet strukturave të njësive vendore, njësive administrative, kryetarët e fshatrave me qëllim që të rritet fuqia zbuluese e zjarrëvënieve të qëllimshme, si dhe vënia para përgjegjësisë ligjore të personave përgjegjës.