Në Institucionin e Prefektit të Qarkut Kukës u zhvillua një takim pune me pjesëmarrjen e përfaqësuesve të Shtabit të Përgjithshëm të Forcave Tokësore pranë Forcave të Armatosura të Republikës së Shqipërisë, si dhe të përfaqësuesve të autoriteteve të qeverisjes qendrore dhe vendore të Qarkut Kukës.
Qëllimi kryesor i këtij takimi ishte forcimi i bashkëpunimit dhe koordinimit ndërmjet strukturave ushtarake dhe autoriteteve civile, në mënyrë që të sigurohet një reagim sa më efektiv në menaxhimin e situatave emergjente, si dhe në zhvillimin e aktiviteteve në mbështetje të komunitetit lokal.
Gjatë takimit u diskutua gjithashtu mbi nismat dhe projektet që synojnë sensibilizimin e të rinjve për t’u bërë pjesë e Forcave të Armatosura të Republikës së Shqipërisë, duke theksuar rëndësinë e përfshirjes së tyre aktive në shërbim të vendit.
